Бірінші кезең сәтті жүзеге асырылды. Бұл - май экстракциялық зауыттың құрылысы. 2023 жылы біз тәулігіне 1000 тонна күнбағыс тұқымын өңдейтін толық өндірістік қуатқа шықтық. Бұл – Қазақстандағы ең жоғары көрсеткіш, бұл біздің кәсіпорынды автоматты түрде саланың көшбасшысына айналдырады.
Жылына өндірілетін өнім көлемі: 130 500 тонна тазартылмаған өсімдік майы, 112 500 тонна жоғары ақуызды ұн, 660 тонна фосфатид концентраты, 14 000 тонна/жыл күнбағыс қабығынан жасалған отын түйіршіктері. "QAZAQ-ASTYQ GROUP" ЖШС өнімдері Қазақстан Республикасының ішкі нарығында, Қытайда, Еуропа елдерінде, Орта Азияда және Таяу Шығыста сатылады.

Кәсіпорын дамуының екінші кезеңі - күнбағыс майын тазарту қондырғысын, бөтелкедегі майды құю және буып-түю желісін салу. Өндірістің жобалық қуаты - тәулігіне 200 тонна. 111 жұмыс орнын құру жоспарлануда. 2025 жылдың желтоқсан айына іске қосу-баптау жұмыстары жоспарланған.

Ал 2027 жылы "QAZAQ-ASTYQ GROUP" ЖШС дамуының үшінші кезеңі – май алмастырғыштар шығаратын зауыт салу және іске қосу жоспарлануда.